bacarita tentang kamareng

depe rasa model deng tong jadi menejer artis terkenal bagitu dang kong orang minta-minta foto dang kong tong yang ator dang hahaha seru skali. pas partama sebelum baku dapa deng dorang macam rasa bagemana dang tako jang kong tasala bagemana bagitu atau gugup bagitu eh pas su baku dapa ternyata rasanya asek dan dibawa asek saja. bajemput dong pagi tanggal lapan padahal epe jadwal tanggal tuju tapi dong ganti penerbangan kah bagemana bagitu kong jadi tanggal lapan. tong pegang macam kartas bagitu tatulis dong pe nama baru dong lia baru dong badeka haha sama deng di felem felem dang toh. tapi pas antar dong di hotel itu dong sampe di archi tapi dong mau di batik turus ta tar iko di dalam oto kong nae ojek barang oto su fol deng dong pe barang samua. pas ta sampe di arci dong tar sampe sampe ta batunggu turus ta bosan ta hawater kong tara lama yang bawa oto tadi pangge kita kong bilang kalo dia ada kas turung dong di tampa laeng yaitu di batik barang dong pe mau di sana kong langsung ta ari ojek kong pi kasana pas kasana dong ada baurus mo maso turus ta kase dong aer dang par mangkali dong mo minum bagitu turus baku ator dong mau bajalang kapan tapi ternyata dong punya gangguan deng waktu kong manganto barang biar dong pe badang di indo tapi dong pe badang barasa masi di inggris kong siang sama deng malam turus tabale depe malam sama deng siang par dorang. pas hari partama itu tong bajalang di oranye deng di toloko tapi makang siang dolo dan samua orang minta foto deng dorang turus dan depe malam tong makang di keefsi hahaha ada yang lucu pas ta bacarita deng depe kasir turus deng dorang kong tasala ta pake indo pe bule turus ing pe kasir hahaha dan itu bukang satu kali tapi ulang ulang di setiap tampa makang hahaha lucu ans. turus carita apa lagi eh. oiyoh dong tatawa pas ta bilang kalo benteng toloko pe bentuk sama deng kemaluan lake lake hahaha akhirnya dong tatawa turus pas depe gerhana tong pi lia di pulau moti dan ternyata itu baku mangada deng makeang loh. tong pake spit satu par torang sa hamadan kapan lagi coba pake spit par sasandiri bagitu. turus tara talalu jao ternyata padahal kalo lia di peta macam jao macam tapi kamareng barasa deka sa turus tong lia tidore pe balakang yang ada pulaus satu pe bentuk sama deng buaya katanya kalau dari ketinggian jadi harus mendaki gunung dulu baru bisa lia. turus dorang paleng tako pas ta carita kalo gamalama itu gunung aktif mangkali barang disana tara talalu banya gunung kapa ih yang aktif. turus pas di moti tu ton model deng felem-felem kong di pulau mana stau kong dep orang minta foto sampe tapi tara deng kita tapi deng dorang. turus pas gerhana tu keren mendadak jadi malam turus ada bintang mncul. turus tong bapanas sampe ta jadi itam. turus abis dari moti bale ternate turus dong istirahat barang lala turus bajalang tapi cuma depe mai deng ana bungsu barang yang tua deng pai itu lala skali katanya turus tong pi danau tolire deng hol turus dong batobo turus dong makang jagung bakar deng kalapa muda di tolire turus ta baku dapa deng tamang baru di hol yang semoga saja bisa membantu ta pe rencana tentang sesuatu yaitu membuat komunitas baru lalala. yang anehnya adalah saat ta bawa dorang tu ta macam bisa bicara santai dengan orang asing yang ada kaya bicara lancar bagtu model deng baku kanal ni ta macam menemnukan ta pe sifat yang laen yang ternyata ta bisa cerewet deng orang asing padahal turus tong pigi mol makang keefsi deng pitsa deng sebenarnya ta pe rencana banya yang gagal barang dong banya tidor seh tapi yah tarapa dah. dong suka minum kopi tong dua kali pigi di tampa bajual kopi waktu di mol turus oh ta harus carita tentang pas hari pertama kong kaco tu. kaco yang partama ta lupa minta supir oto pe nama dengnomor hape kong ta bingung sesaat tapi abis ta pigi di swering berharap bisa baku dapa deng dia lagi barang tadi baku dapa dia disitu dan ternyata batul ta baku dapa deng dia dan dia orangnya asek masi muda tapi su kaweng dan asek lah pokoknya. ta juga ada babantu dua orang jepang yang ada di matoahotel barang dorang tara pesan tong bawa bajalang dorang dang kong pas di hotel tarada yang mangarti pe dorang turus ta kebetulan datang barang ta pe tamu mo bajalang siang dan ta ada kosong dan ada pasnik dan ta bantu dorang katanya dorang mo baronda cari tampa yang baus turus ta bantu om supir ka tau apa yang dong mau tapi sayangnya ta tara bafoto deng dorang ta tara bafoto deng ule laeng dan hanya bafoto deng ta pe tamu saja huhu. bule yang laeng tu dong mandiri skali bawa motor sandiri turus bawa oto sandiri turus ta baku bawa deng tong sesama tamang halmahera trips me asek walaupun ta badiam pada tapi baribut pada akhirnya dan ta jadi dea deng dorang yang ta hanya anal dan tara deka sebelumnya yaitu tika itu deng ardiitu deng aul itu deng asriyani itu asek dah pokoknya. tapi ada sadiki masala pas trahir barang tong pe supir yang su biasa antar torang dari hari pertama mendadak tar bisa antar kong tong pake yang laeng dan ta su bilang datang jam stenga seblas walupun bajalang bakujanji jam seblas tapi dia tar datang kong dong mara dah macam kecewa bagitu padahal baru kamareng ta dapa puji kong tapi akhirnya berhasil juga itu lia pohong cengke yang jadi dong pe keinginan seelum pigi lewat jalan balakang bandara dang disitu banya. ta jelaskan pe dorang tentang tong yang jaman dulu dapa jajah gara gara itu cengke deng pala deng yanglain sebagainya walaupun dong sbenarnyadatang pargerhana sa jadi dong tara talalu kalesang sih. dong to sadis sog tiap taong pigi kuliling dunia par lia gerhana sa diman pun itu gerhana berada dong pasti pi turus taung muka katanya ada di amerika. dong kase kita biskuit dari inggris enak depe rasa manis deng tabal dong juga kase tip dan akhirya ta pe salah satu permohonan terwujud yaitu punya pkerjaan walau ini hanya momentum. semoga ta bisa dapa perkerjaan yang laeng laeng juga taung iini ameen. oio depe ana yang bungsu tu to manakal ancor hahaha tapi dia bae dia masu bafoto denga masarakat samua turus dong paleng rajin bakalae mulu eh kong ta macam barasa bagemana dang kalaha tunggu ta tarada dulu kah. tapi bagitulah yah namanya juga manusia jadi samua orang itu sama sa.