sbm pe rasa

kamareng ta baru iko ujian yang depe nama sbmptn. itu yang kita bilang-bilang kakamareng turus tu. ta balajar tarus walau sebenarnya balajar foya-foya deng tara serius. ta berusaha karas par balajar dengan penuh rasa pasrah karena tara talalu mangarti. tapi akhirnya ta su barasa lega karena su ujian. setidaknya barasa lumayan ringan lah ni kapala walau masih ada banya hal-hal yang tabikir.

kamareng kita biking yang ta su rencanakan. ta tara jawab pertanyaan matematika deng ekonomi, hanya karena memang kita tara tau sama sekali. ujian ini kan depe system pake hitung poin deng kurang poin kalo bajawab salah, jadi ta lebe pili untuk jawab yang ta tau dan yakin benar atau setidaknya kita kira itu benar karena memang walauwalam itu benar katarada.

depe hari ujian to ta barasa bagemana skali, tako bagemana dang bagitu. padahal pas maso kasana depe pengawas tara biking diri kong santé-sante sa. ta su basiap akang itu foto kopi ijasa deng keterangan lulus me dorang tar pareksa, padahal ta su kasi siap mantap-mantap tuh haha kasiang ngi.

selain kita hawater deng depe soal deng situasi ujian yang padahal kasana tara talalu menyeramkan, atau pake kata laeng ‘not that bad’ ternyata kekawatiran yang laeng juga berakhir sama. ta hawater kalo disana ta akang tara kanal sapa-sapa, ditambah kita yang tara bisa capat bergaul deng oral macam bagini akang ta mati kutu deng tar dapa gaya dah. eh tapi sukur padahl disana ta baku dapa deng tamang smp deng sma. ta baku dapa deng mesi deng namira. sukur banya ya allah.

tapi ternyata ta tetap mati kutu juga. di waktu istirahat ta tara babawa deng dorang. kong kita kase abis waktu sadiki dengan bajalang di gedung itu nae kaatas di lante dua habis itu turung lagi. sukur yang laennya adalah ada permainan di hp yang ta bisa barmaeng walaupun kala turus.

ta memang susa skali mo ajak orang bacarita. ta macam sum au basuara tapi tar jadi, ta p rasa malu deng tako tara maso akal ini kapan akang ilang kah. ta inging bisa bebas bacarita deng sapa pun, ta inging skali punya banya tamang. sungguh menyedihkan diriku ini.

tentang soal, ta tara mau bahas dah, ada orang yang bilang kalo ujian kong susa itu depe rumus dating turus kerjakan turus lupakan. nanti tinggal batunggu satu bulan kemudian dah.

nanti kalo su jelas dimana ka bagemana bagitu baru ta carita lagi dah. ok. mantap.