blog itu apa

Tampa carita. Yah itu adalah nama laeng dari blog. Macam ngoni mo bacarita sagala macam ngo p masalah pengalaman kebahagiaan k atau barang yang laeng apapun itu.

Sama saja deng yang skarang ta ada biking ni. Ngo bisa biking apa saja yang ngo mo lakukan disini. Blog itu macam ngo p dunia kacil bagitu. Turus ngo yang ator itu blog mo jadi bagemana.

Depe isi barang apa saja samua terserah p ngo. Terserah p tong. Turus tong p sebutan akang jadi blogger. Keren to?

Ta parna punya blog dulu dari dulu. Dari ta kalas 2 sma kalo tara sala. Tapi ta jaga biking turus hapus lagi. Tau akang ta p gila tu bagitu da.

Eh parna to ta biking blog turus ta curhat sampe tu di blog tapi depe ujung kasana ta hapus juga jadi sama sa akang tarada bukti hahaha.

Atau yang skarang ini kita paling rajin biking tu blog padahal ta tra batulis apapun. Tara kase maso artikel apapun. Hanya mau biking sa abis itu rasa bosan turus ta hapus lagi hahaha. Ngo jang iko e. itu hal tara bae. Turus skarang ta biking blog lagi.

Ta harap skarang akang beda. Mudah-mudahan ta tara akang hapus blog yang ini. Deng mudah-mudahan ta bisa serius turus pake ini blog. Amin. Amin.

Doa akang pa kita e. la jang sampe ta p panyake suka hapus blog itu dia muncul lagi. Itu panyake paleng tara bae dah. Ampong ya astagafirula. Huahahahaha